Опера

Травиата 6 маусым 2026, 18:00

Сипаттама

Париждің XIX ғасырдағы салтанатты салондары мен жарқыраған бал кештерінің арасында Виолеттаның тағдыры өрбиді — қоғам шеттеткенімен, махаббаттың құдіреті арқылы рухани биікке көтерілген жанның хикаясы. Вердидің «Травиатасы» — 170 жылдан бері әлем көрерменін тебірентіп, жүректерді жылататын мәңгілік опера.

Толығырақ

Дж. Верди

Травиата

2-бөлімді опера
Ф. Пиавенің либреттосы
А. Дюманың (ұлы) «Камелия ұстаған бикеш» драмасы бойынша
ҚазҰОБТ жаңа қойылымының премьерасы 2016 ж. 11.06. өтті

Қойылым тобы:
Қоюшы-дирижёр – НҰРЛАН ЖАРАСОВ, ҚР еңбек сіңірген қайраткері
Қоюшы — режиссёр – ЛӘЙЛІМ ИМАНҒАЗИНА, ҚР еңбек сіңірген қайраткері
Қоюшы — суретшісі – ВЯЧЕСЛАВ ОКУНЕВ, РФ халық әртісі, РФ мен ҚР мемлекеттік сыйлықтарының лауреаты
Бас хормейстер – ӘЛИЯ ТЕМІРБЕКОВА, ҚР еңбек сіңірген қайраткері

Қатысушылар

Виолетта Валери
Флора Бервуа
Альфред Жермон
Жорж Жермон, оның әкесі
Гастон, виконт де Леторьер
Барон Дюфоль
Маркиз д’Обиньи
Дәрігер Гренвиль
Аннина, Виолеттаның қызметшісі
Ханымдар, ерлер, бетперде кигендер, қызметшілер және басқалары

I бөлім

Альфред Жермон атақты куртизанка Виолетта Валеридің үйінде өтіп жатқан сауық кешке келеді. Виолеттаның жақында сырқаттанғанын естіп, Альфредтің қатты алаңдағаны оны таңғалдырады. Альфред махаббат үшін тост көтереді, ал Виолетта жауап ретінде сән-салтанат пен қызыққа толы өмір үшін тост айтады. Өзін әлсіз сезінген ол тынығуға кетеді. Альфред оның соңынан барып, сезімін білдіреді. Виолетта оның қамқорлығына мұқтаж еместігін айтса да, ертеңіне келуін сұрайды. Жалғыз қалған сәтте Виолетта шынайы махаббатқа қабілетті ме екенін ой елегінен өткізеді. Бұл ойды бос қиял деп санап, ол құмарлық пен еркіндікке толы өмірін жалғастыруға бел буады.

Виолетта Альфред үшін үйреншікті париждік өмірінен бас тартады. Қала сыртындағы тыныш өмірді қамтамасыз ету үшін өз мүлкін сатуға шешім қабылдайды. Мұны естіген Альфред қарыздарын өтеу үшін Парижге асығады. Альфред жоқта оның әкесі Жорж Жермон келеді. Ол ұлының бар байлығын Виолеттаға бермек болғанын жеткізеді. Виолетта мұндай сыйды қабылдамайтынын айтып, керісінше, олардың болашағы үшін өз мүлкін сатып жатқанын түсіндіреді. Оның адалдығы Жермонды тәнті етеді, бірақ ол қызының тағдыры үшін ұлын тастауын өтінеді. Ақырында Виолетта келіседі және тек бір ғана өтініш айтады: өзі қайтыс болған соң шындықты қызына жеткізсін. Альфред Виолеттаның енді оны сүймейтіні туралы хатын оқып, күйзеліске түседі.

II бөлім

Виолетта балға жаңа қамқоршысы барон Дюфольмен келеді. Ер адамдар карта ойнайды, Альфред жеңіске жетеді. Виолетта оны оңаша шақырып, кетуін өтінеді, бірақ ол бас тартып, баронды дуэльге шақыруға дайын екенін айтады. Үлкен Жермонға берген уәдесін бұзбау үшін Виолетта баронды сүйетінін айтып, Альфредті алдауға мәжбүр болады. Қайғы мен ашуға булыққан Альфред жұрт алдында Виолеттаны қорлап, ауыр сөздер айтады.

Өлім төсегінде жатқан Виолетта Аннинаның көмегімен Жорж Жермонның хатын қайта оқиды. Хатта Альфредтің дуэльден кейін шетелге кеткені, ал әкесінің оған Виолеттаның құрбандығы туралы жазғаны айтылады. Альфред келіп, кешірім сұрап, мәңгілік махаббатына ант береді. Виолетта бірге боламыз деп үміттенеді, бірақ хәлсіз еді. Альфред Аннинаны дәрігерге жібереді; дәрігермен бірге Жорж Жермон келеді. Ол бұрынғы әрекеттеріне өкініп, Виолеттаны туған қызындай қабылдайтынын айтады. Алайда бәрі тым кеш еді.