Трубадур

30 сәуір күні сағат 19:00-де Абай атындағы Қазақ ұлттық опера және балет театрының сахнасында әлемдік опера репертуарындағы ең жарқын әрі драмалық туындылардың бірі — Джузеппе Вердидің «Трубадур» операсы ұсынылады.

Бұл шығарма — итальян опера мектебінің шоқтығы биік туындыларының бірі. Онда махаббат, құштарлық, тағдыр және қайғылы оқиғалар бір-бірімен астасып, терең музыкалық драмаға айналады.

Бұл кеште халықаралық деңгейдегі шақырылған солистер өнер көрсетіп, қойылымға ерекше көркемдік тереңдік пен әсерлілік береді.

Манрико партиясын Әзірбайжан Республикасының еңбек сіңірген әртісі — Фарид Алиев орындайды. Ол Әзірбайжан мемлекеттік академиялық опера және балет театрының және Әзірбайжан мемлекеттік музыкалық театрының жетекші солисті. Әртіс кең ауқымды опералық репертуарымен және терең драмалық интерпретацияларымен танымал, оның ішінде Манрико бейнесі әлемдік опера сахнасындағы ең әсерлі кейіпкерлердің бірі ретінде ерекшеленеді.

Азучена партиясын меццо-сопрано — Лаура Хаке Бустаманте орындайды. Ол халықаралық байқаулардың лауреаты, XI халықаралық жас музыкант-орындаушылар байқауы «Музыкалық Владивосток 2020» Гран-при иегері, Мариин театры Приморье сахнасының солисі. Оның өнері терең музыкалық мәдениетімен, айқын драмалық мәнерімен және жетекші опера сахналарындағы мол тәжірибесімен ерекшеленеді.

«Трубадур» — бұл Вердидің ұлы музыкасы, күшті вокалдық партиялар мен нағыз театрлық өнер тоғысқан ерекше кеш.

Сіздерді ұлы Верди музыкасына толы осы кешке шақырамыз!